Nagpa gwa na sang statement ang spokesperson sang Apolinario Gatmaitan Command sang New People’s Army nga si Ka Juanito kag sa iya statement, ginpahayag sang grupo nga gin maasacre ang ila 4 ka kaupod kag peke ang enkwentro nga ginasiling sang army.
Miyerkules sang aga sang napatay ang 4 ka mga rebelde sa ginpahayag sang army nga isa ka enkwentro sa Sitio Amilis, Brgy Santol sa Binalbagan.
Ginsiling sang NPA nga wala sang enkwentro nga natabo kundi gin raid sang tropa sang army ang kubo sang mga rebelde nga ila ginapahuwayan sang amo nga tion bangud sila ang naga malasakit.
Ang apat ka myembro nga sanday Roel Ladera, Nica Dela Cruz, Alden Rodriguez kag Roel Deguit ang gin capture sang army kag ila lang nga gin pagwa suno kay Magbanua nga may enkwentro nga natabo.
Bangud indi makasarang magbato bangud naga lain ang pamatyag, dapat kun tani wala na sila gin halitan suno sa kay Magbanua.
Pero suno kay Captain Kim Apitong, OIC sang Public Affairs Office sang 3rd Infantry Division, kabutigan ang statement sang NPA kag lehitimo ang encounter nga natabo.
May mga litrato man sila suno sa army nga magapamatuod kag mismo ang mga pumuluyo sa palibot ang nagpahayag nga may presensya sang mga rebelde sa amo nga lugar.