Nagpagwa sang kahapon sang statement ang Roselyn Jean Pelle Command – Northern Negros Guerilla Front sang New People’s Army nga sila ang nag patay sa tatlo ka mga persona sa banwa sang Calatrava sang nagligad nga bulan lakip na ang pag patay sa isa ka punong barangay.
Sa statement sang NPA, ila nga ginpatuman ang standing order gikan sa revolutionary people’s court and people’s government batuk sa mga ila gina alegar kriminal kag counter revolutionaries.
Ila gin ako ang pag patay kay Along Barangay Captain Benjamin Havoc sang Agosto 26 nga ila gina alegar protector sang illegal drug transactions sa barangay kag isa man ka katapo sang military intelligence.
Sang Agosto 12 naman ila gin patay si Renato Estrebillo nga suno sa ila notorious nga kawatan kag isa man siya sa naga tip man sa tropa sang army.
Agosto 7 naman ila gin patay si Rodel Nobleza nga ila ginasiling responsable sa natabo nga pag raid sang army sa npa sadtong Abril 2019 nga gikamatay sang ila mga upod lakip na sibilyan. Siya ang isa man ka drug peddler suno sa grupo. Ginpahayag naman ni General Inocencio Pasaporte, commander sang 303rd Brigade nga ang pag ako sang rebelde nga grupo ang indi maga hatag sa ila sang abswelto sang ila mga ginhimo kag ini ang gamiton sang army agud pasakaan sila sang kaso.