Arestado kahapon ang 21 anyos nga si Joel Reunir matapos ini gin reklamo sang pag pangawat sang krone terminal kag battery sang PLDT sa Barangay Singcang-Airport sa Bacolod.
Suno sa PNP, ang personnel sang PLDT amo ang nag pangayo bulig sa kapulisan matapos gin rungkab ang ila nga box. Gilayon man gin kadtuan sang kapulisan ang ila gina kabig hideout sang suspek sa Purok Rosal kag didto nadakop si Reunir.
Nakapalagyo naman ang iya duha pa ka upod. Na recover sang kapulisan ang terminal kag mga battery. Nakita man sa lugar ang ginsunog nga mga kuryente nga gina patihan gin kawat nga mga linya sang telco.
Nakuhaan man sang isa ka sachet sang suspected shabu kag tooter si Reunir. Kaso nga robbery kag pag lapas sa RA 9165 ang ipasaka batuk sa suspek.