Naubos ang swerte sang isa ka notorious nga gun-for-hire kag hold-up suspect matapos madakpan sa follow-up operation sa Barangay Banago sa Bacolod City.
Ang suspek nga ginkilala kay alyas “Pocholo”, 29-anyos, may pending pa gid nga warrant of arrest sa kaso nga pagpabaligya kag possession sang iligal nga droga.
Ginsiling ni Captain Rosalino Pugoy, hepe sang Police Station 3, nagapakuno-kuno nga babaye ang suspek sa iya mga lalaki nga chatmates.
Ang modus sang suspek amo ang magpasugat sa iya chatmate kag didto niya na ini paga-holdapon gamit ang pusil.
Positibo nga ginkilala sang biktima si “Pocholo” nga amo ang naghold-up sa iya kag nagkuha sang iya cellphone kag cash sadtong Marso 17.
Suno kay Pugoy, si “Pocholo” ang sa likod sang pila ka mga shooting kag robbery incidents sa area sang Banago.*
[sibwp_form id=1]