Shadow

NOTF nagpanginwala nga ‘inside job’ kag ‘hold-up’ me ang natabo sa ila liaison officer

Spokesperson sang teacher’s federation ginpanginwala nga inside job ukon hold up me ang gin alegar pagpanghold up sang liaison officer sa parking area sang Negros First CyberCenter.

Ini ang dashcam video nga kuha sang ginsakyan nga SUV sang liaison officer kag duha pa niya ka mga kaupod nga gin alegar gin hold up sang riding in tandem sa sulod sang parking area sang CyberCenter sang Mayo 20 sang aga.

Makita sa video ang gunman nga nagtaya pa sang pusil antes nagpalagyo dala ang kapin P600,000 nga bag-o lang na withdraw sang mga biktima sa malapit nga banko.

Ginsiling ni Romeo Camporaso,PIO sang Negros Occidental Teachers Federation nga indi inside job kag hold up me ang natabo bangud may komosyon kag naghinyo gilayon sang bulig ang mga biktima sa mga security personnel kag pulis nga yadto sa CyberCenter.

Taliw as ini sa inisyal nga pagpang-usisa sang Police Station 1.

May mga CCTV footage man ang tagdumalahan sang NOTF nga nagapakita nga halin sa ila opisina ginasundan na sang mga suspek ang salakyan sang mga biktima.

Secured By miniOrangeSecured By miniOrange