Ginkasuhan sang paglapas sang RA 9165 ukon Comprehensive Drugs Act ang Norwegian national matapos madakpan sang pulis nga naga may bitbit nga suspected shabu sa Barangay Tinago, Dumaguete City sa Negros Oriental.
Suno kay Bobby Fulmaran sang Dumaguete City PNP, ginreklamo ang amo nga persona nga naga mauy kag sang ginkadtuan sang mga pulis, ila siya nga ginpakalma ugaling may nakuha sa iya nga isa ka sachet sang gina suspetsuhan nga shabu.
Gin aresti siya kag gindala sa Dumaguete City Police Station.
Nakilala ang amo nga persona nga si Karl Martin Dahl.
Ginahibalo pa sang PNP kun ano ang estado sang pagtinir sang Norwegian sa Pilipinas kag kun diin nag halin ang nakuha sa iya nga iligal nga droga.