Northern Negros Electric Cooperative ang nagpaathag sang pagsaka sang balayran sang kuryente sang mga konsumedor sini nga bulan sang Abril.
Base sa advisory nga ginpagwa sang Noneco sa ila nga official social media page, humalin sa tres pesos kada kilowatt hour nga bili sa wholesale electricity spot market, naghimo na ini nga sais pesos kada kilowatt hour.
Ginpahayag sang Noneco nga nagsaka man ang konsumo sang kuryente sang mga konsumedor sini nga summer bangud sang mainit nga panahon kag madamo nga mga wala ginpaabot nga power outages.
Bangud sini, nagasaka man ang bili sang kuryente gikan sa mga power generators bangud sang daku man nga demand sang iban nga electric cooperatives.
Nagpagwa sang advisory ang Noneco matapos nga madamo nga mga konsumedor ang nagpost sa social media nga nagapangayo sang paathag kun ngaa nagmahal ang ila balayran sa kuryente sini nga bulan.