Padayon ang pag panghanda para sa Barangay kag SK Elections.
Mga non-accountable forms ang nag-abot na sa talatapan sang Commission on Elections Negros Occidental.
Suno kay Provincial Elections Supervisor, Ian Lee Ananoria, iya nan ga na abisuhan ang tagsa ka Election Officer nga kuhaon na ang tagsa ka mga non-accountable forms gikan sa iya nga talatapan nga na partenesir sa kada banwa kag siudad.
Ang mga accountable forms ang naka schedule naman i-deliver malapit na sa adlaw sang piniliay bangud nga ang mga ini may security risk.
Samtang, sumugod sa madason nga semana pagasuguran naman ang training sang mga manunudlo nga maga serbe bilang electoral board members.
Sa bilog nga probinsya may 37,461 ka mga manundulo nga magaserbe bilang electoral board members.
Sila ang magaserbe sa 12,487 ka mga clustered precinct sa mga banwa kag siudad lakip na Bacolod City.