Nomination para sa Banwahanon kag Be the Change Award ginasuguran na para sa natalana nga Charter Day Celebration sa Hunyo.
Dungan sa pagsaulog sang Charter Celebration sang Bacolod kada Hunyo ang pagkilala sang mga personalidad kag grupo nga nagahatag sang dako nga contribution sa padayon nga pagtin-ad sang siudad.
Gani upod sa pagkilala sang mga Banwahanon awardee ang paghatag pasidungog man sa Bacolodnon paagi sa Be the Change Award.
Ginpahayag ni Secretary to the Mayor Atty. Jose Marty Go, bukas na sa nomination ang pagkilala sang mga awardees para sa natalana nga seremonya sa Hunyo 18.
Sa Charter Day celebration ginahatagan man sang pagkilala kag pasidungog sang Bacolod LGU ang mga Outstanding City Employees, tax payers kag katapo sang nagkalain-lain nga sector.
Ang Charter Day kabahin lamang sang “Mga Adlaw sang Paghanduraw” nalakip na diri ang pagdumdom sang Independence Day kag Jose Rizal Day nga ginahandaan sang siudad.