May 32 ka kaso sang viral exanthem ukon gina tawag nga makayha nga na-record sa Negros Occidental High School.
Ini suno kay Dr Sheila Blancia, Medical Officer III sa NOHS nga nagsiling nga ang datus humalin sang Setyembre 1 tubtob sa karon.
Sini nga bulan sang Oktubre tig tatlo tubtob lima ka pasyente ang ila nga mabaton nga kaso sa kada adlaw.
“Ang rough estimate ko lang pag sulod ni sang October ni 3 to 5 patients per day ang may viral exanthem, right away gina papuli ni sila”, suno kay Blancia.
Ang paghilanat, rashes, sip-on ang pila lamang sa mga sintoma sang makayha suno kay Blancia kag indi maglayo ang mga sintoma sini sa sintoma man sang dengue.
Gani abiso niya sa mga estudyante nga kun makitaan sila sang kasubong nga sintoma mag pa check-up gilayon.
Ang makayha suno sa iya ang makalalaton ang dengue indi pero pareho nga naga kinahanglan sang gilayon nga medikal nga atensyon.
Gina abisuhan man ang mga makitaan sang amo nga sintoma nga ipaiway na ang magsulod sa klase agudto indi naman makalaton pa sa iban.
Indi magkabalaka ang mga estudyante bangud may alternative mode of learning man tigaylo sang face to face classes.
“Amo na kun kis-a makibot ka. Gahilanat sila. May rashes pero ari di sila sa eskwelahan kay may ara kuno sila summative test, may ara sila nga performance task. Tapos kun i-advise mo sila nga indi mag eskwela galalain sila. Pero kun explain mo sa ila ginikanan, ginikanan ka intindi gid ya kag cooperative”, suno kay Blancia.
Katorse diyas ang kinahanglan nga isolation sa apektado.
Wala man sang bulong para diri.
Sarang masaylo ini paagi sa laway, pagkapyot man sa mga na infect nga bagay kag mas madasig ang paglaton suno kay Blancia sa mga crowded nga lugar.
Mas labing maayo kun mag observe sang hygiene isa na diri ang frequent handwashing suno sa iya kag mas maayo man kun pabakuron pa gid ang resistensya.