May pag kambyo man sa liderato sang Philippine National Police, indi ini maka apekto sa mandato sang kapulisan.
Gin-relieve sa pwesto si General Nicolas Torre kag ginbuslan ni Lt Gen. Jose Melencio Nartatez.
Suno sa pamuno sang Department of the Interior and Local Government, Sec Jonvic Remulla, ang lihok ni Torre sa pag reshuffle sang pila ka mga PNP officials ang isa sa mga nangin konsiderasyon ni Presidente Ferdinand Marcos, Jr sa pagkakas sa iya sa pwesto.
May pila ka mga katapo sang minority sa kongreso ang nag kwestion sang relief ni Torre labi na nga high performing official man si Torre.
Para sa Negros Occidental Police may pagkambyo man sa liderato indi ini maka apekto sa ila nga mandato bangud sila ang maga padayon man lamang sa ila nga katungdanan kag pag serbisyo.
Ginsiling ni Captain Judysses Catalogo ang spokesperson sang Negros Occidental PNP nga kun may bag-o nga guidelines nga ipatuman hulaton lamang nila ini.
Ang 5 minute response time nga gina patuman sa karon ang maga pabilin tubtob may bag-o naman nga ipapanaog nga pagsulundan.
Ini ang gin patuman sa idalom sang liderato ni Torre.
Paagi sini tigayon nga nadakpan ang suspek sa pag pangawat sang manok sa Bago City kasubong man pag neutralize sa suspek sa shooting incident sa Ilog.