Sang 2024, nagalab-ot sa 1,170 ka mga loose firearms ang natigayon nga na-surrender paagi sa Armas Baylo Bugas Program kag police operation nga kabahin sang Oplan Katok Campaign sang Negros Occidental Police Provincial Office.
Pero karon nga nagahilapit ang campaign period, nagahinyo ang Commission on Elections sa Philippine National Police nga i-suspend ang kampanya nga ginapatihan sarang makatuga sang disbentaha sa mga naga-papili.
Ginsiling ni NOCPPO Spokesperson Police Captain Judesses Catalogo nga dako ang nabulig sang Oplan Katok sa pagpasiguro sang matawhay kag malinong nga piniliay.
Pero kun luyag sang COMELEC nga ini ang temporary nga mapaiway, magahulat sila sang mando gikan sa PNP higher office kag sa mangin desisyon sang ahensya.
Bisan wala pa sang eleksyon ginapatuman na sang PNP ang “Oplan Katok” ukon ang pagpadulong sa mga puluy-an sang mga unlicensed gun owners agud nga ipa-rehistro ukon i-surrender ini sa mga police stations.