Nag submit na sang iya man nga courtesy resignation ang Provincial Director sang Negros Occidental nga si Col Leo Pamittan. Ini bilang pagsunod sa damlag pa pag panghangkat ni DILG Secretary Benjamin Abalos, Jr., nga mga resign ang mga high ranking PNP officials agud matinluan ang hanay batuk sa iligal nga droga.
Ginpahayag ni Pamittan nga lubos ang iya suporta kag kooperasyon sa mga tinutuyo sang DILG.
Handa man siya sa inquiry.
Suno kay Pamittan iya gina kundenar ang kapulisan nga imbolbado sa iligal nga droga.
Sa karon, masobra 97% na sa mga general kag colonel sang Philippine National Police ang nag submit sang courtesy resignation bilang pagsunod sa DILG.
Kabahin sa damlag pa nag submit sang courtesy resignation si Bacolod City Police Director Colonel Thomas Joseph Martir. Ipaidalom sa screening ang mga resignation nga ginpasa sang 929 ka mga high ranking officials.