Board of Directors sang Negros Occidental Electric Cooperative ginapakakas sang National Electrification Administration, anay managers nadalahig man.
Base sa audit nga ginhimo sang NEA Audit Department sa Negros Occidental Electric Cooperative humalin sang August 1, 2019 tubtob April 30, 2023 nakit-an ang pila ka mga indi amo nga pag gasto sang pondo sang kooperatiba. Base sa statement nga gin-release sang NEA nasaad diri nga una bangud sobra ini sang sa gina tugutan sang NEA, ika duha wala ini sang NEA approval, kag ikatlo nga bisan maka pila na ka beses nga gin tawag ang atensyon sang NOCECO bangud sang audit findings kag wala sang nagakaigo nga board resolution.
Ginhingadlan sang NEA ang 12 tanan ka mga board of directors sang NOCECO isa diri sa ila ang patay na. Nadalahig man sa sini nga audit findings ang anay managers sang kooperatiba nga sanday Jonas Discaya kag Engr. Ray Bustamante.
Suno sa report, naglab-ot sa masobra sa 65million pesos ang gin grant sang board sa ila mga kaugalingon para sa nagkalain-lain nga mga allowances kag benefits. Masobra sa P20M sa kay anay general manager Discaya kag masobra sa P2M naman sa kay Engr. Bustamante.
Gani nag desisyon ang NEA board sang Abril 18, 2024 nga i-pakakas sa pwesto ang katapo sang board, disqualification nga liwat ma reinstate kag ma employ ukon maka kandidato bilang board kag pag dula sang ila nga mga benepisyo.