Gin pahayag ni Negros Occidental Police Provincial Office spokesperson, Lt Abegael Donasco nga sugod sa Huwebes, ipatuman na sang PNP ang ‘no jab, no job’ policy sa mga pulis nga wala pa mabakunahan.
Gani suno kay Donasco, ang mga pulis sa probinsya nga wala pa mabakunahan ang kinahanglan mag pasa sang negative RT-PCR test result sa kada duha ka semana. Ila man ini kaugalingon nga gasto suno kay Donasco.
Sa karon, 22 na lang ka pulis sang NOCPPO ang wala mabakunahan kag kalabanan sa ila ang may co morbidities suno kay Donasco.
Ang ‘no jab, no job’ policy ang gin mando sang PNP chief agud magtulod sa kapulisan nga mag pabakuna.
Wala naman karon sang active case sang Covid-19 ang NOCPPO.