May masobra sa 5,700 ka dengue cases ang na record sang Negros Island Region.
Sa tatlo ka sunod-sunod nga semana, namutikan ang pagnubo sa kaso.
As of July 26, 2025, ang Negros Island Region nag-record sang 5,734 dengue cases.
Suno sa DOH – NIR, may pagnubo sa trend sa nagligad nga tatlo ka sunod-sunod nga morbidity week.
Ang pag nubo sa kaso naga pakita suno sa DOH sang collective effort sang mga komunidad.
Pero kinahanglan nga tayuyon ini agudto padayon ang pag nubo sa kadamuon sang kaso sang dengue.
Ang Department of Health naga haylo sa komunidad sa pag practise sang 4Ts — Taob, Tuyo, Taktak, kag Takip — agudto maguba ang mga breeding sites sang mga lamok nga naga dala sang dengue.
Ang 4Ts ang gina duso nga ipatuman upod sa Alas 4 kontra Mosquito kun sa diin kada las 4 sang hapon gina patuman sa mga lugar ang pag inspect kag paninlo sa palibot.
Gina abisuhan naman ang mga yadtong naga hilanat, naga sakit ang ulo kag may palanakit sang tiyan nga mag pa konsulta temprano.
Ang mga health facilities sa region ang may yara sang napahamtang nga mga Dengue Fast Lanes, sa pag pasiguro nga mahatagan sang gilayon nga atensyon ang mga pasyente nga nakitaan sang sintoma sang dengue.