Negros Island Region sa karon ang may 4.9 million nga populasyon. Ini base sa pinaka ulihi nga result sang Commnunity-Based Monitoring System Census sang 2024 nga gin-release sang Philippine Statistics Authority sining bulan lamang sang July.
Ang probinsya sang Negros Occidental wala labot ang Bacolod City ang may masobra sa 2.6 million population.
Ang Negros Oriental naman ang may masobra sa 1.4 million kag ang probinsya sang Siquijor, 107,642.
Ang Bacolod City nga naga isahanon nga highly urbanized city sa NIR ang may 624,787 population.
Suno sa Commission on Population and Development may average increase nga 36,151 sa kada tuig humalin sang 2020 tubtob 2024.
Ang population size sang NIR naga pangaduha sa Region 7 sa apat ka mga region sa Visayas.
Kun sa bilog naman nga pungsod ika napulo ang NIR sa kadamuon sang populasyon.
Pero kun lantawon ang population growth rate may pagnubo ini.
Suno kay Atty Bruce Ragas ang pamuno sang Commission on Population and Development NIR naga kasayuran nga ang pagsaka sa populasyon sang NIR yara sa slower rate. Mahimo isa sa nagtuga sini suno sa iya ang declining fertility rates.
