Katapo sang Federation of Urban Poor ang nagdumdom sang Ninoy Aquino Day subong nga adlaw paagi sa paghalad sang bulak sa iya nga istatwa sa dalan Araneta sa Bacolod kaina sang aga.
Suksok ang yellow nga t-shirt, nagtambong sa isa ka misa nga ginhalad para kay Benigno Ninoy Aquino, ang katapo sang FedUp kag sila ang nag martsa padulong sa Ninoy Aquino monument sa dalan Araneta.
Suno kay Joy Jarabelo sang FedUp ang paghalad nila sang bulak patimaan sang ila nga pagpasalamat.
Suno kay Jarabelo, indi man holiday subong nga adlaw kasunod sang pag-idog sini sa Biyernes nga adlaw, sa gihapon ila gina saulog ang ini nga adlaw sa pagdumdom sang ehemplo nga ginhatag ni Aquino kun paano mangin matuod-tuod kag maisog nga Pilipino kag mag panindugan sa husto kag matarong.
Dugang pa ni Jarabelo sadto tion ni Ninoy, karon ang pagpanghangkat para sa tanan. Dapat manindugan suno sa iya kontra sa kalakasa sang POGO, pangapinan ang West Philippine Sea kag magpasabat sa mga naga sa gahum.
August 21, 1983, sang gintiro si Aquino sa tarmac sang Manila International Airport nga karon ginhingadlan Ninoy Aquino International Airport sa pagkilala sa iya.
Ang iya kamatayon sa ulihi ang nagduso sang EDSA People Power Revolution nga amo naman ang nag kakas kay anay Presidente Ferdinand Marcos, Sr gikan sa gahum.