Padayon ang ginapatigayon nga night operations sang Bacolod City Government para sa pag-monitor kag pag-atipan sa mga mendicants sa nagkalain-lain nga lugar sa siudad.
Ginapangunahan ang operation sang Bacolod City Mendicancy Management Division sa idalom sang Department of Social Services and Development ukon DSSD upod ang City Legal Office.
Ang tuyo sini amo ang paghatag sang makatawo kag rights-based nga bulig sa mga indibidwal nga yara sa mabudlay nga sitwasyon, ilabi na gid ang naga istar na sa dalan.
Suno sa mga opisyales, ginapasiguro sang siudad nga ang mga maka recover nga mendicants ginahatagan sang atensyon, assessment kag referral sa nagakaigo nga programa sang gobyerno.
Ginapangabay man sang lokal nga panguluhan ang kooperasyon sang pumuluyo nga indi maghatag sang limos sa dalan kag sa baylo i-report sa husto nga ahensya ang mga nagapangayo sang limos, agud mahatagan sila sang mas organisado, epektibo kag may dignidad nga bulig.*
[sibwp_form id=1]