Sumugod las sais y media sang gab-i asta las dose sang tungang gab-i ipatuman sang Bacolod Traffic and Transport Management Department ang full road closure sa dalan Araneta halin sa corner Gonzaga kag Araneta Street asta sa Luzuriaga Street.
Ginpahayag ni Councilor Celia Flor, pamuno sang Committee on Markets, ginhinyo sang katapo sang Bacolod Dry Goods Association nga makabaligya sa bulan sang Paskwa halin sa weekend kag halin Disyembre 20 asta Disyembre 31. Indi magnubo sa mga 50 ka mga stalls ang ipahamtang sa portion sang Araneta Street.
Samtang, gin-aprobahan man sang konseho ang pag-plastar sang fruit vendors sa kilid sang dalan Gonzaga halin Disyembre 15 asta Enero 6.