Mga electric cooperatives sa Negros Occidental ang nag pasiguro nga may nagakaigo nga supply sang kuryente sila nga na kontrata. National Grid Corporation of the Philippines naman nag pasalig nga wala sang maintenance nga patigayunon sa mga inadlaw antes kag mismo sa Election Day.
Ini ang nalakip sang gintalakay sa sinapol kahapon sang Comelec sa nag kalain lain nga ahensya sang gobyerno.
Suno kay acting provincial elections supervisor Roberto Salazar, paathag sang mga tiglawas sang mga power distributor kahapon, may nagakaigo nga power supply nga na kontrata sila kag mismo sa adlaw sang electon magamay man lamang ang demand sa kuryente labi na nga holiday man ini.
Maga sugod las 6 sang aga tubtob las 7 sang gab-i ang pag boto kag suno kay Salazar importante nga wala sang power interruption tubtob sa mahaboy na ang election result gikan sa mga presinto padulon sa canvassing centers.
Suno kay Salazar ginsiling man sang DepEd nga handa na ang mga eskwelahan nga paga gamiton bilang polling places.
Pila sa mga eskwelahan ang naigo sang Bagyo Odette sadtong Disyembre. May iban naman nga nag serbe nga isolation facilities sang mga naigo sang Covid-19.
Sa Andres Bonifacio Elementary School sa Bacolod, suno sa principal nga si Lolita Cabahug, handa na ang mga classroom.
May mga hulot klasehan man nga na apektuhan ni Odette kag sadto naga serbe ini nga buffer kun mag eleksyon. Karon, ipaiway na lang anay ang pag gamit sini kag tigaylo, suno kay Cabahug, gamiton na lang ang iban nga mga bakante nga classroom.