106,000 ka bag sang palay ang tuyo nga baklon sang National Food Authority gikan sa mga mangunguma sa Negros Occidental antes pa man magtapos ang 2023.
Nagsaka na ang baklanay sa 23 pesos kada kilo.
Suno kay NFA acting Branch Manager Glenda Paz, santo ang pagsaka sa kada kilo sa gina patuman man nga price cap nga 41 pesos sa regular milled rice kag 45 pesos nga well milled rice. Setyembre 20 nagsugod ang NFA sa pagbakal sang palay kag may masobra na sa 1,000 na ka bag sang palay ang nabakal sini gikan sa local farmers.
Ang gina bakal nga palay sang NFA ang yadtong na-dry na kag may 14 percent nga moisture content.
Dugang pa ni Paz, may apat ka mga LGU sa probinsya ang nagpakita sang interes nga mag partner sa NFA paagi sa pagpasaka sa presyo sa base price pay sa kada kilo sang palay sa idalom sang Palay Marketing Assistance Program for Legislators and LGUs para mabuligan man ang mga mangunguma.
“We plan to write ang aton mayors through the Provincial Agriculturist Office, sa MAO as well as City Agriculturist Office to inform everyone nga naga pamakal na ang NFA sang 23 pesos per kilogram clean and dry palay”, suno kay Paz.