NEPC naghinyo sang bulig sa Bacolod Lgu agud mapatakdan kuryente ang masobra 40,000 pa ka mga informal settler families. Target sang Negros Electric and Power Corporation nga mapasugaan ang malapit 60,000 ka mga pamalay sa tion nga matagaan na sila sang prangkisa.
Gani nakigsugilanon na ang pamunuan sang NEPC sa City Legal Office agud ihinyo kay Mayor Albee Benitez nga mabuligan sila sa pag-fast track sang application sang mga nagapatakod kuryente sa Bacolod.
Sa record sang NEPC may masobra 40,000 pa ka mga household, kalabanan diri mga informal settler families sa siudad nga wala sang kaugalingon nga kuntador.
Nagligad nga semana sang naaprobahan sa third and final reading sang kongreso ang franchise application sang NEPC.