Nagapadayon ang pagpanghawan sang Negros Power sa mga linya sang kuryente nga may mga sanga sang kahoy nga nagatapik gani may mga brownout.
Suno pa sa Negros Power, ang mga sanga sang kahoy nga nagatandog sa mga linya sang kuryente ang nagaresulta sang pag-disconnect sang mga feeder breakers bilang proteksyon sa bilog nga distribution system.
Mano-mano nga ginapangita sang line teams ang lugar kun sa diin natabo ang pagtapik sang sanga sa kuryente kag nagalawig ini sang inoras bangud sa kalabaon sang mga feeder lines.
Ginatapas ang mga sanga antes nga iga-reconnect ang feeder breaker kag agud sigurado nga indi na matabo liwat a apang temporaryo lang ini nga solusyon.
Nag-umpisa ang transition sang CENECO pakadto sa Negros Power sang nagligad nga Agusto 1 bilang preparasyon sa nagahilapit nga pagtake-over sa masunod nga bulan.
Kun pormal na nga makatake-over Negros Power, plano nila nga pahamtang sang automatic circuit reclosers ang 43 tanan ka mga feeder lines, bayluhan ini sang bag-o nga kable nga may putos, butangan sang load brake switches kag sectionalizing cut-outs agud mangin permanente na ang solusyon sa vegetations kag malikawan ang malawig kag liwat liwat nga brownouts.