Tayuyon nga power supply ang ginpasalig sa gina paabot nga May 12 Elections.
Suno kay Provincial Elections Supervisor, Ian Lee Ananoria, sa ila nga pagsapol sa tiglawas sang Negros Power, Negros Occidental Electric Cooperative, Northern Negros Electric Cooperative kag National Grid Corporation of the Philippines sining Hwebes sang aga, gin pasalig sa ila nga wala sang scheduled nga brownout.
Nalakip man sa contingency plan suno kay Ananoria enkaso nga may yara sang wala gina paabot nga power interruption nga mag luntad may yara sang back-up power supply nga ipahamtang sa mga strategic areas.
Ginsiling man ni Ananoria nga ang automated counting machine nga paga gamiton sang COMELEC sini nga piniliay ang may yara sang battery nga sarang maglawig tubtob sa 14 ka oras gani bisan pa nga may brownout nga matabo tayuyon nga makapatigayon sang pagboto.
Sa karon nagapatigayon man sang pagbisita sa mga eskwelahan nga maga serbe polling centers ang mga power distribution firms agudto ma pa siguro nga wala sang problema sa power supply nga masugata sa piniliay.