Kaina sang aga nagsugod ang joint clearing operations sa Bacolod City nga ginpangunahan sang Negros Power kaupod ang mga telecommunication providers nga Smart, PLDT kag Globe.
Ini nga operation resulta sang koordinasyon kag assessment meeting nga ginpatigayon kahapon kaupod si Roel Castro, Presidente kag CEO sang Negros Power.
Suno kay Atty. Mark Steven Mayo, City Administrator, ang paghatag sang clearing support sa Negros Power magahatag sang mas hapos nga access sa repair teams sa mga lugar nga apektado sang bagyo.
Sa karon, padayon ang joint clearing operation sa Bacolod City agud mas mapadasig ang pag-restore sang kuryente kag internet connectivity sa siudad.
Nagapangabay man ang Bacolod LGU sa publiko nga magpabilin nga alerto kag magsunod sa safety protocols samtang ginapadayon ang clearing operations sa nagkalain-lain nga lugar.*
[sibwp_form id=1]