Yara na sa karon sa state of calamity ang Negros Oriental matapos madala ang Region 7 sa mga rehiyon nga gin deklarar ni Presidente Rodrigo Duterte nga mapaidalom sa state of calamity.
Paagi diri mas mapadasig ang rescue, relief kag rehabilitation effort sang gobyerno pati na sang private sector sa probinsya nga isa sa lubos nga apektado sang paglaslas sang Bagyo Odette.
Masobra dos mil ka pamilya ang naapektuhan sa negros oriental bangud sang bagyo kag ang Mabinay, Guihulngan kag Bais City amo ang pila sa lubos nga apektado.
Nagsaka man sa 102 ang nasamaran bangud sang bagyo kag 73 naman ang napatay kag 21 ang nagapabilin nga missing.