Negros Oriental na lang ang probinsya sa Central Visayas nga wala sang kaso sang Delta variant.
Ini matapos maka record naman sang una nga Delta case ang Siquijor.
Suno kay Dr Liland Estacion, ground commander sang provincial IATF, kinahanglan ang mas hugot pa gid nga border control ilabi na sa land travel.
Kahapon 31 lang ka bag-o nga kaso ang nadugang sa probinsya kag 20 ka new recoveries. 390 ang active cases karon sa Negros Oriental.
Samtang, 85 naman ka kaso ang nadugang kahapon sa Negros Occidental kag 37 ka recoveries. 665 ang active cases sa probinsya.
903 naman ang active cases sa Bacolod nga may 50 new cases kag 79 new recoveries kahapon.