Gin pahayag ni Negros Oriental Inter Agency Task Force ground commander Dr Liland Estacion nga ila i rekomendar sa patigayunon nga inter agency meeting ang pag sarado sang borders karon nga naga saka ang Covid-19 cases sa Cebu.
Sa latest data sang DOH Region 7, pareho nga masobra tres mil ang active cases karon sa Cebu City kag Cebu province nga kahapon nadugangan man sang masobra tig 200 ka bag-o nga Covid-19 cases.
Ang non essential travel ang suno kay estacion amo ang ila mahimo ipa untat anay ilabi na nga naga panaog na sa karon ang Covid-19 cases sa probinsya.
504 na lang sa karon ang active cases sa Negros Oriental nga nag record kahapon sang 61 naman ka recoveries kag 44 ka new cases.
Samtang, 26 lang ka new cases ang na record kahapon sa Negros Occidental kag 18 lang ang sa bacolod.
1,135 na lang man karon ang active cases sa negros occidental kag 1,077 naman sa Bacolod.