Padayon ang pag nubo sang kaso karon sang Covid-19 sa Negros Oriental. Sa latest data sang provincial IATF, 17 na lang ang nabilin nga active cases sa probinsya.
Pero apesar sang pag nubo sang Covid-19 cases, indi pa handa sa karon ang probinsya nga halugan ang protocols ilabi na nga yara pa sa alert level 2 ang Negros Oriental.
Ang Dumaguete City amo pa lang ang gin downgrade sa alert level 1. Isa pa nga balantayan suno sa provincial iatf amo ang panibag-o naman nga variant sang Covid-19 Omicron nga Omicron XE.
Gani padayon ang panawagan sang probinsya sang pag pabakuna sang publiko kag pag pa booster shot man sang mga na nabakunahan na. 56.8% pa lang sa gihapon ang fully vaccinated sa probinsya suno sa IATF.