Sumugod subong nga adlaw, gin paidalom na sa Alert Level 4 ang probinsya sang Negros Oriental bangud sang padayon nga pagsaka sang kaso sang Covid-19.
Ang Negros Oriental kag Davao Occidental amo ang mga probinsya nga ginpaidalom sa Alert Level 4 nga amo ang isa sa pinaka estrikto sa bag-o nga quarantine classification sang National Inter Agency Task Force.
Pila sa mga establisyemento kaangay sang restaurant dine in ang gina allow pero sa 10% capacity lang kag ang mga outdoor activities naman kaangay sang kasal ang gina allow sa 30% capacity lamang.
Sa latest update sang Negros Oriental IATF kahapon, 593 tanan ka bag-o nga kaso ang nadugang sa probinsya kag 30 ka napatay bangud sang Covid-19.
2212 ang active cases karon sa Negros Oriental.
Samtang, wala naman napaidalom sa Alert Level ang Negros Occidental kag Bacolod.
4,484 ang active cases sa Negros Occidental nga may 89 new cases kahapon, samtang 2009 naman ang active cases sa Bacolod nga may 72 new cases kahapon.