Ang Negros Oriental Provincial Price Monitoring Council ang nag recommend kag naga adopt sang suggested retail price para sa baboy kag mga idik.
Nalakip man diri ang buying price range para sa mga buhi nga baboy sa probinsya kasunod sang African Swine Fever outbreak.
Ang SRP kag ang price range maga serbe nga guidance para sa mga konsumedor, mga trader, meat dealer, hog raisers kag iban paa gid nga mga stakeholders.
Ang ASF ang labing naka apekto sa industriya nga nag resulta sa instability sa market price kun sa diin nabutang sa alang-alang ang mga konsumedor kag mismo mga producers.
Yara sa P240 tubtob P290 ang price range sang baboy local man ukon imported. Ang mga idik yara sa P2,500 tubtob P5,000 per head kag ang buhi nga mga baboy ukon ang buying price sa live weight yara sa P150 tubtob P180 sa kada kilo.
Ang Negros Occidental sa nag ligad nga semana nga interview kay Governor Eugenio Jose Lacson nagsiling nga ila pa gina tun-an ang pag patuman sang kasubong nga regulation.
Ginsling ni Department of Agriculture NIR Director, Jose Albert Barrogo nga sarang makapatuman sang regulation sa presyo base sa laye para mapangapinan ang interes sang mga konsumedor, manugbaligya kag iban pa gid nga stakeholders.
“It’s really the LPMC, ang Local Price Monitoring Council gid ang maka hatag recommendation kay governor. They have to activate gid sang ila nga LPMC nila kag para ang Council itself amo ang maka recommend”, suno kay Barrogo.
[sibwp_form id=1]