Mga disaster teams sa mga banwa kag siudad sa probinsya ang yara sa heightened alert ukon blue alert status para sa semana santa.
Ini base sa Memorandum sang Regional Disaster Risk Reduction Management Council sa pag pasiguro sang mas maid-id nga pag patuman sang road safety measures kag deployment man sang mga responders sa mga lugar nga may yara sang convergence ukon pag tililipon kasubong sang mga resorts kag mga simbahan.
Suno kay Zeaphard Caelian ang pamuno sang Provincial Disaster Management Program Division, maga depende na sa tagsa ka IATF sang mga banwa kag siudad ang pagtugot sang mga religious activities labi na nga may mga lugar na nga napaidalom sa alert level 1.
Nagapahanumdom man sa Caelian sa mga maga trek sa Kanlaon nga ginadumilian ang 4 kilometer danger zone, labi nga maulanon sa karon.
Damlag pa sa advisory sang Office of the Park Superintendent sang Mt. Kanlaon Natural Park, gin sira ang Guintubdan, Mapot kag Mananawin trail.
Ang short trekking activity nga gikan sa Wasay padulong sa Hardin sang Balo kag Guintubdan Falls magluwas sa Buslugan ang ginatugutan.
Suno kay Caelian may mga na monitor sila sa social media posts nga naga supak sang pagsulundan.