Shadow

Negros Occidental napaslwan nga malab-ot ang target nga mabakunahan sa Provincial Vaccination Days

Photo from Bago City Local Vaccination Teams

Sa una nga duha ka adlaw sang Provincial Vaccination Days, wala na tigayon lab-ot ang target.

23,305 sa kada adlaw ang kabilugan nga target mabakunahan.

Sa June 2 nga report, 3,872 ukon 17 percent sa target ang nabakunahan kag sa June 3 naman, 3,446 ukon 15 percent sa target ang na lab-ot.

Suno kay Provincial Administrator Rayfrando Diaz, house to house kag indi na sa mga centers ang pag patuman sang bakuna.

Naga pabilin nga pagpanghangkat suno kay Diaz amo ang pag educate kasubong man sa pag engganyo sa mga wala pa maka pabakuna karon nga nalab-ot naman sang probinsya ang tanan nga sadto anay luyag mag pabakuna.

Tinutuyo sang Provincial Vaccination Days nga kuntani mabuligan ang mga LGU ma de-escalate sa Alert Level 1.

Sa karon pito pa lamang ka banwa kag siudad sa Negros Occidental ang yara sa Alert Level 1.

Secured By miniOrangeSecured By miniOrange