Sa tunga sang pagsaka sang kaso sang Covid-19 sa pila ka mga lugar sa pungsod, labing nagapangaman ang probinsya sa kasubong nga sitwasyon.
Magluwas sa Teresita Lopez Jalandoni Provincial Hospital, masobra sa katunga ang available sa kapasidad sa mga ospital sang probinsya suno kay Provincial Administrator Rayfrando Diaz.
Ginapasiguro man ang nagakaigo nga supply sang oxygen enkaso nga magsaka ang demand. Wala labot sang gikan sa oxygen plant may consignment man ang probinsya sa iban nga supplier.
Nagpabakal dugang nga PAPR ukon powered air purifying respirator ang probinsya para sa mga healthcare workers.
Padayon man karon ang pagnubo sang active Covid-19 cases sang Negros Occidental pero sa gihapon suno kay Diaz ginaduso sang probinsya ang istrikto nga pagsunod sa health protocol, pagbakuna sa mga pumuluyo kag sulit-sulit nga pahanumdom nga indi gid magkumpiansa.
Labing ginatinguhaan nga dapat malikawaan ini kag sa mas temprano ma detect ang Covid-19 cases.