Mga pamatan-on ang gina haylo nga mag hatag interes kag suporta sa agrikultura.
Ini suno kay Negros Occidental Governor Eugenio Jose Lacson kasunod sang paghilisugot sang isa ka partnership sa tunga sang probinsya kag sang Department of Education para sa 13 ka mga farm schools.
Suno kay Lacson, may laye nga naga mando sang pagtukod sang mga farm schools. Mismo ang DepEd ang maga identify sang mga eskwelahan para sa sining farm schools kag ang probinsya naman maga hatag sang technical kag financial support. 500,000 pesos ang pondo gikan sa school board suno sa gobernadora.
Dugang pa ni Lacson kinahanglan nga mahangpan sang mga pamatan-on ang importansya sang agrikultura labi na nga ang Negros Occidental isa ka agricultural province.
Samtang naga daku ang populasyon mas naga damo ang kinahanglan nga makakaon. Makit-an ang pagnubo sang interes sa agrikultura sa mga pamatan-on ayhan tungod nga indi daku ang ma income gikan diri suno sa gobernador.