Suno kay Provincial Administrator Rayfrando Diaz, padayon ang pagbantay sang mga health personnel sa mga port of entry sa pag pag monitor sang health condition sang mga naga sulod ayhan sa puerto ukon sa airport.
Gina lantaw man ang posibilidad kun iga-require ang isolation area para sa monkey pox positive.
Ginatun-an man kun kinahanglan buksan ang mga isolation facilities sang probinsya para sa ila ukon sarang lamang nga ma impon man sila sa Covid positive suno kay Diaz.
“Gina studiohan ta na na. Can we mix them with Covid patients or de we have to open our quarantine facilities nga kun ang may monkey pox didto ta ya ibutang. That has already been forwarded to our Hospital Operations Department”, suno kay Diaz.
Samtang, nagsaka naman sa 102 ang active Covid cases sang Negros Occidental sa August 2 nga report sang Provincial Incident Management Team suno kay Diaz indi man makabig nga malain ang Covid situation sa probinsya.
Manubo ang hospital admission. Sa Cadiz District Hospital – Annex Building, ang gina kabig Covid designated hospital may 15 ka mga na admit nga Covid positive, 16 naman ang suspected cases. Kun kinahanglan nga mag dugang sang Covid hospital beds and second kag third level sini suno kay Diaz ang wala pa magamit.
“I think, regardless if tip of the iceberg ang number or not, ang aton healthcare system wala pa naga ka overwhelm sa sini nga cases”, suno kay Diaz.