Probinsya sang Negros Occidental ang nagahanda sa karon para sa pag bid sa pag host sang 2027 Organic World Congress.
Kaina sang aga gin patigayon ang una nga organizational meeting sang Technical Working Group.
Suno kay Governor Eugenio Jose Lacson daku ang potential sang probinsya sa organic farming kag agriculture.
Sa katapusan sang Abril may kinahanglanon na nga datus nga iga-submit. Ang bidding para sa pag host natalana sa bulan sang Disyembre.
Ang Organic World Congress nagalakip sang mga lugar gikan sa Europa kag Asya suno sa gobernador.
Sa karon wala pa man nahibaluan kun sin-o kag kun ano pa gid ang iban nga mga lugar nga maga bid para sa 2027 Organic World Congress hosting.
May 18,000 ka organic farmers sa probinsya, magluwas sini uno kay Lacson ang mga hilikuton angut sa organic farming nagapakita sang holistic kag sustainable nga mga tikang sa agricultural practices.