Shadow

Negros Occidental naga panguna sa kadamuon sang gunban violator sa Region 6

Kabankalan PNP photo

Humalin sang pag sugod sang gun ban sang Enero 9, ang Negros Occidental amo sa karon ang may pinakadamo nga violators sa bug-os nga Western Visayas.

Sa latest data sang Police Regional Office 6, 18 ka mga persona na ang nadakpan sa Negros Occidental. Halos katunga ini sang 42 tanan ka mga naaresto sa bug-os nga Western Visayas.

14 naman ka mga armas ang nakuha sa probinsya, lima ka deadly weaopon kag 66 ka ammunition.

Naga pang duha ang probinsya sang Iloilo sa number of reported incidents kag arrests kag nagapangatlo naman ang Bacolod City.

Pahayag ni NOCPPO PIO, Lt Abegael Donasco, tatlo ka beses sa isa ka adlaw naga patigayon sang checkpoint operations ang kapulisan sa mga police stations gani ini resulta lang sang ila nga intense operation batuk sa gun ban violators.

Luyag man sang NOCPPO nga maubos ang ini nga mga violators antes ang eleksyon sa Mayo.

Secured By miniOrangeSecured By miniOrange