Karon nga nag halog na ang restrictions kag daku ang ligwa para sa mga pagtililipon, gobernador ang naga pahanumdom sa publiko nga indi gid pagkalipatan ang pag gamit sang face mask kag ang pagsunod sa physical distancing.
Suno kay Governor Eugenio Jose Lacson, yara na ang desisyon sa tagsa-tagsa agudto mapangapinan ang ikaayong lawas. Napaandaman naman ang tanan suno sa iya. Wala labot diri yara pa ang threat nga gina dala sang bag-o naman nga variant sang Covid-19.
Ang mga kabataan ginatugutan man nga maka gwa sa karon, pero dapat may upod kag magabayan sang mga guardian ukon ginikanan. Suno kay Lacson, ginbalik man ang damlag pa duha ka Covid designated hospitals sa probinsya bilang regular na karon nga mga ospital, handa ang Negros Occidental sa pagbalik sini bilang mga Covid centers inkaso nga indi malikawan kag matabo ang pagtimbook naman sang Covid-19 cases.
Ang ospital na lamang sa Cadiz ang nagapabilin nga Covid center. Sa karon tayuyon ang pag nubo sang kaso sang Covid-19 sa probinsya. As of December 5, 392 ang active Covid-19 cases sang Negros Occidental sa datus sang Provincial Incident Management Team.
“If we will have to open again other hospital for Covid center that we will do so. That is why, just a reminder to everyone, especially there’s more leeway to celebrate the holidays, we really have to protect. Face mask and distancing is still required. It’s really up to us now . We’ve been warned. We just have to do our respective share,” suno kay Lacson.