May upsurge ukon pagsaka sa karon sa kaso sang hand, foot and mouth disease sa Negros Occidental.
Sa datus sang Provincial Health Office, 320 ka hand, foot and mouth disease ukon HFMD cases ang na-record as of February 4.
Sa kasubong nga tion sang 2022, lima lamang ang kaso nga na-record.
6300 percent sa karon ng mas maatas ang kaso, bagay nga suno sa PHO nagabutang sa probinsya sa alert status.
Nagpagwa na sang advisory ang PHO sa tanan nga mga alkalde ang health officers sa Negros Occidental sang advisory bahin sa pagpanghanda kag response sa HFMD nga isa ka makalalaton nga viral disease. Masami ang naga ka apektuhan mga kabataan.
Ang siudad sang Kabankalan ang may pinaka mataas nga kaso – 73 HFMD cases. 20 sa 31 ka mga banwa kag siudad ang may report sang HFMD cases.
Isa sa mga ginaduso karon nga kamapanya sang PHO amo ang handwashing.
Gina abisuhan man ang paglikaw sa sharing sang mga kubyertos kasubong man pagsunod sa minimum health standards.
Ang mga apektado sang HFMD ang gina hilanat, makit-an nga may rash sa sila nga palad, tiil kag iban nga bagin sang panit kag mouth sores.
Ginapatuman ang isolation sa pasyente para malikawan ang paglaton sa iban.