Nagapadayon ang pag patuman sang Comelec gun ban ukon ang pag dumili sang pag dala sang armas karon nga election period.
Ang gun ban ang nag sugod sang Enero 9 kag ini ang magalawig tubtob Hunyo 8.
Sa report sang Police Regional Office-6, ang Negros Occidental amo ang may pinakamado nga gun ban violators humalin sang gin patuman ini.
53 ka incidents ang na record sa Negros Occidental kag 60 ka mga persona ang naaresto kag gin kasuhan. 36 man ka mga pusil kag 26 ka deadly weapons ang na recover sa probinsya.
Samtang sa Bacolod, 16 ka mga kaso ang na record kag 16 man ang naaresto.
167 tanan ang recorded gun ban violations sa bug-os nga Western Visayas.