Nag dangat na sa three digit ang new cases sang Negros Occidental pero nagapabilin nga manubo ang utilization sa ospital.
Sa January 11 nga report sang Provincial Incident Management Team, 108 ang new cases sang probinsya.
Siudad sang Bago kag Silay ang may pinaka damo nga news cases nga na report sa amo nga datus – 19 kag 17.
Duha ang gin report nga napatay sa amo nga datus kag 17 naman ang naka recover.
Sa karon, nag lab-ot na sa 416 ang active cases sang Negros Occidental sa January 11 nga report sang pimt. 214 sa karon ang yara sa healing facility sa Silay, kun sa diin 164 diri ang mga confirmed cases.
30 naman ang yara sa healing facility sang EB Magalona, kag 24 naman ang confirmed cases. Suno kay Provincial Administrator Rayfrando Diaz, ang iban nga yara sa healing facility mga special others kasubong sang guardian kag iban mga nag voluntary pa confine.
Padayon man ang pagsaka sa kaso sang covid sa monitoring, manubo ang utilization rate sa ospital suno kay Diaz.
May dose nga naka confine sa ospital sa Cadiz nga Covid designatef hospital.
Suno kay Diaz, walo diri ang confirmed covid 19 cases kag ang apat naman mga suspected cases. Ini nga mga kaso mga mild tubtob moderate cases.