Gikan sa 12 naglumpat sa 40 ang new Covid – 19 cases nga na record sang Negros Occidental sang Hwebes nga adlaw.
Siudad sang Bago ang may pinaka madamo nga na-record nga new cases – 11. Suno kay Dr Ernell Tumimbang indi pa mapat-od kun ano ang kabangdanan sa pagsaka sang kaso.
Pero kun lantawon ang Bacolod city ang may pagsaka man sa Covid cases.
Ang estado sang kada banwa kag siudad naga apekto sa mga kaiping sini nga lugar.
Posible ang no travel restrictions nga ginapatuman isa sa mga rason.
Tutukan man ang Bago City suno kay Tumimbang, ilabi na sa mga barangay sini kun may clustering of cases. Tukibon kun bala local transmission ang mga kaso ukon gikan sagwa.
Kasubong sa gina patuman sadto, iga identify, maga contact trace kag iga-treat ukon isolate ang mga natungdan para malikawan ang pag lapta pa.
Karon nga 40 pa lang importante nga mapatuman ang mga tikang para mapangapinan ang taga probinsya.