Para sa senior citizens kag may co-morbidity ang nag-abot nga 30,800 ka dose sang AstraZeneca vaccine sa probinsya.
Suno kay Dr Jessica Fama, medical specialist 3 sang Provincial Health Office, unahon anay ang mga nabilin pa nga frontliner nga wala mabakunahan depende sa estado sang vaccination program sang local government unit.
Damlag pa nasugdan na ang pagbakuna sa mga senior citizen kag may co-morbities. 1900 naman sa nag abot ang iga allocate para sa second dose sang yadtong nadapatan na sang AstraZeneca kag ang nabilin para na sa first dose.
Suno kay Provincial Administrator Rayfrando Diaz, ang AstraZeneca nga nag abot iga dapat sa 56 anyos pasaka bangud nga wala pa sang clearance para sa 18 anyos tubtob 55 anyos.
May masobra sa 17,000 ang nabakunahan sa Negros Occidental kag masobra sa tres mil diri ang naka kumpleto na sang ila bakuna.
Samtang, kahapon gin panagtag sa mga alkalde ang Covid-19 vaccination manual sa pag pamuno ni Mel Feliciano ang IATF chief implementer for the Visayas.
Suno kay Governor Eugenio Jose Lacson, ini ang maga serbe nga guide para sa mas daku nga vaccination roll out.