May onse ka kaso sang rabies nga na record ang Provincial Veterinary Office as of Aarch sini nga tuig.
Tatlo ang na record gikan sa Himamaylan City, tig duha sa Victorias City kag Cauayan, kag tig isa sa Toboso, EB Magalona, Silay City kag Bacolod City.
Para maduso ang rabies awareness program kag malab ot ang target sa pagbakuna sa mga ido padayon ang hugot nga pagpakig angut sa mga lokal nga panguluhan para sa massive free rabies vaccination program.
Sa masobra 269,000 nga na record nga dog population sa probinsya target sang Provincial Veterinary Office nga mabakunahan ang masobra sa 215,000 ka mga ido para sini nga tuig. As of March 2021 halos 50,000 ka mga ido ang nabakunahan.
Padayon man ang veterinary medical mission kasubong sang deworming, consultation kag iban pa. Naga sige man ang information and education campaign kag pagduso sang responsible pet ownership.