Padayon ang pag nubo sang active Covid-19 cases sang Negros Occidental.
Sa April 10 nga report sang Provincial Incident Management Team, napulo na lamang ang active cases.
Zero naman ang new cases sa amo nga adlaw.
Ini na ang pinaka manubo nga na-record sang probinsya humalin sang nag igo ang pandemic.
Gina lauman ni Governor Eugenio Jose Lacson nga mag-abot ang adlaw nga mangin zero ang active cases.
Pero sa gihapon indi dapat magkalipat sang minimum health protocol.
Suno kay Lacson ang direksyon karon sang national government nga mabutang sa alert level one ang bug-os nga pungsod ano man ang vaccination accomplishment sang isa ka LGU.
Naga pati si Lacson nga ang paghalog sa restrictions ang maga tuga sang pag pabaya sa bahin sang pila ka mga pumuluyo.