Probinsya sang Negros Occidental ang handa nga magapadala sang bulig sa naapektuhan sang linog sa Northern Luzon.
Sa karon suno kay gobernador Eugenio Jose Lacson, ginahulat pa nila ang report bahin sa extent of damage kasubong man sa deklarasyon sang state of calamity. Suno kay Lacson handa ang probinsya nga magbulig.
Sang pag igo gani sang Bagyo Odette nag baton man ang probinsya sang bulig gikan sa nagkalain-lain man nga LGU.
Kasunod sang natabo nga magnitude 7 nga linog sa Abra, luyag man ni Governor Lacson ma-fresh ang pagpatuman sang earthquake drill. Kun mag -igo ang disaster kasubong sang linog, suno kay Lacson daw wala sang nagakaigo nga preparasyon kun sa diin maka panghanda ang isa ka LGU.
Ang Region 1 kag 2, kag Cordillera Administrative Region ang apektado sang linog nga nag igo Miyerkules sang aga.
Nalakip na diri ang 15 ka mga probinsya, 15 ka mga siudad kag 280 ka mga bnawa suno sa National Disaster Risk Reduction Management Council. Lima naman ang ginreport napatay.