Mahimo nga maga pabilin sa Alert level 2 sa gihapon ang Negros Occidental.
Mahinay ang pag idog sang vaccination program.
Ginapaabot nga maga pa gwa naman ang National IATF sang bag-o nga alert level status para sa bulan sang Abril.
Karon nga nag sugod na ang lokal nga kampanya mahimo nga maapektuhan pa gid ang vaccination program.
Suno kay Governor Lacson kun sadto mahinay ang dalagan sang programa sa bakuna, mahimo karon nga mas magahinay pa gid.
60.08 por siento sa masobra dos milyones nga target mabakunahan sa Negros Occidental ang fully vaccinated sa March 27, 2022 nga datus sang DOH Western Visayas
May mga 5 percent pa suno kay Lacson nga naga hulat sang second dose kag kun matigayon na mabakunahan magadangat na sa 65 percent ang mangin fully vaccinated sa Negros Occidental.
Isa sa mga rason nga gina tudlo kun ngaa indi maka idog sa Alert Level 1 ang Negros Occidental amo nga wala pa malambot ang kadamuon sang dapat mabakunahan sa vulnerable sector ilabi na ang sa bahin sang senior citizen. Sa DOH datus 57.02 ang fully vaccinated sa mga senior citizen sa Negros Occidental.