Bagyo nga si Auring ang nangin isa na ka Tropical Storm.
Negros Occidental napaidalom na sa heightened alert pero mahimo nga ipasaka ini sa blue alert status.
Maulanon nga panahon ang ginapaabot sa masunod nga mga inadlaw tubtub sa weekend.
Base sa Severe Weather Bulletin Number 3 sang PAGASA, las otso kaina sang aga nangin isa ka tropical storm si Auring kag ginapaabot pa gid nga magbaskug samtang nagapalapit sa land mass.
Mahinay ini nga nagapadulong sa Northwestward nga direksyon ang bagyo nga may maximum sustained winds nga 65 kilometers per hour malapit sa sentro kag may pagmadlos nga tubtub sa 80 kilometers per hour.
Ginapaabot nga mangin maulanon ang panahon sa bug-os nga Visayas kag Mindanao gani ginapaandaman sang PAGASA ang publiko nga mag ulu-aligmat sa mahimo pagluntad sang flash flood kag landslide sa mga lugar nga may malawig kag mabunok ang ulan.
Ginapaabot nga magapasaka sang Tropical Cyclone Wind Signal ang PAGASA sa mga probinsya sang Caraga kag Davao Region buas nga adlaw.
Suno kay Zeaphard Caeilian depende sa mangin assessment sa sitwasyon bwas kag sa lakat sang panahon mahimo nga ipasaka sang probinsya sa blue alert ang status nga nagakasayuran nga 24/7 na ang Emergency Operation Center kag mangin inter agency na ang oepration nga nagalakip sang iban nga ahensya sang gobeyerno kasubong samg BFP kag PNP.